'Taptay Sehra'

Kabhee nazar jo palat jaeay zindaganee per,
To door tuk na dikhaee day kuchh bhee;
Sivaey taptee huee raig kee chatanon ke,
Khizan ke lootay huay pattay, udaas shamon ke.

Voh chupke chupke se rona undhairee raaton main,
Chupa ke dard-e-jigar muskurana but bun ke,

Sitarey aankhon ke tootay, jigar ke tukray huay,
Sajay huay thay jo dil main, sabhee arman lutay.

Qadam qadam pe lagay zakhm, rooh majrooh huee,
Her aik hasrat-e-dil yaas main muntaqil yoon huee.

Dil-e-betab ko jub bhee kabhee sambhala dia,
Umad ke aa gaee jor-o-sitam kee kali ghata.

Gila karain bhee to kia, kis se hum shikaet karain,
Koee jo samjhay to keunker, hum kaisay samjhaain.

Hansee main doobee huee siskiyan sunaee na dain,
Ke dil kee tooti huee hasratain dikhaee na dain.

Bhulana chahain to phir bhee bhula na paaen voh gham,
Ke jin se choor huee rooh, hain yeh aisay zakham.

Tamam umr ke ghaaon ko ghol ker is main,
Ghamon kee mae ko khushee se pee lia hum ne.

Khuda se mangain gay ik din hisab is dil ka,
Abhee to honton ko hasrat se see lia hum ne.