Dil-e-VeeraN

Mera dil ruka ruka sa, yeh jigar kata kata sa,
BaRhay hausla yeh kaisay, jo rahay gira gira sa.

Hai voh ajnabee sa lekin, keuN lagay diKHa diKHa sa,
JanamoN se janta hooN, PHir hai keuN naya naya sa?

Koi baat BHee karay voh, to lagay gila gila sa,

Koi rishta- e- azal hai, jo lagay juRa juRa sa.

Koi kashash e mustaqil hai, voh jo hai mera mira sa,

THa muhabbatoN ka aadee, naKHal- e- dil hara BHara sa,

Hua nafratoN ka aadee, vohee dil jala jala sa.

Nahee dil maiN koi raNg ub, jo na ho uRa uRa sa,

Na to rooh maiN sakooN voh, na hee munn KHila KHila sa.

Hua zindagee sey aari, yeh jahaaN luta luta sa,
Yeh bala ki bay yaqeeni, hai eemaN bika bika sa.

Hua saaNs layna dooBHar, ke samaN GHuta GHuta sa,
KeuN nazar maiN yeh veerani, keuN yeh ser JHuka JHuka sa.

KaheeN jaaN dari dari si, kaheeN dil dara dara sa,
Hai yeh piyar ki tammanna, ya diya buJHa buJHa sa.

Kabhee ho ga KHatm aaKHir, yeh safar bay aab- o- giah sa,

Barasay ga meeNh ik din, hai yaqeeN zara zara sa.