GHam- e - BekaraN

Lagay itnay zaKHm dil pe,
Ke guzar gaey hum jaaN se.
KaraiN kis se ub gila hum,
Is falak se ya jahaaN se.

Kia jin pe hum ne takia,
Voh subhee adam siDHaray,
Unhay BHa gaeya jahaaN voh
Na KHabar milay jahaaN se.

Na palat ke deKHtay haiN,
Na pukaar dil ki suntay.
Raha vaasta na un ko
Hamaaray dil-e-veeraaN se.

Jub BHee unhay pukaarey,
Yeh dill taRap taRap ke.
Laut aaeN sub sadaeN
Pehlay hee asmaaN se.

Dil KHoon bun ke tapkay,
Tun zindagee se jaey.
Koi kaisay sub samBHalay,
Sho'la-e-GHam-e-bekaraaN se.

Sub kuCCHH hee jul gaeya ho,
Jub GHam kee aaNDHeoN maiN,
Na milay koi kinaara
Na nija'at is biyabaaN se.

KaraiN laaKH un se minnat,
DiKHaeN jigar ke CHHaalay,
Na hai faida taRap ka,
Na hee sood is fuGHaaN se.